Hut veerde stukkie

Ingezonden op 2 augustus 2016 om 14:08 onder Van de molenaar.

De Molle en aandere vertelsels. De sommer is in de Balk an e kommn, en hef meer met e bracht dan allinnig vakaansiegangers. Noe de daagn laank bunt en de nachtn kort en de temperatuur hoaste niet meer onder de vieftien groaden kump, kriej ook ongewenst bezuuk op de molle. As de vakaansiegangers noa bezuuk an de molle weer veur de tente zit pannnekookn bakkn onder het genot van een pilsie ,kump op de molle aander volk veur de dag.

Waij ok probeerd umme die gasten buutn de deure te hoaln ,en wie doot dr een bulte an kuij ait niet veurkommn ,dat asse wie ok weer op de keet an bunt en rust op de molle is weder ekeert dat er aander volk op verkenning giet umme te zeen wat de pot schaft. As molder kan ik wa begriepn aij buutnkaant van de deure met volle meuijte met krummels oen kossie bie mekare mut scharrln onder waakend oog van ooievaar en buuzerd, en biej wieze van sprekn an de aandere kaante van de deure de speklappn kant en kloare ligt, daij toch is aan de binnenkaante van die deure wilt kiekn.

Moar moezen bunt geliek an manegers heij ze binnen de deure , trek ze geliek alles op de kop dan pissn en scheitn ze de boel onder , en dan moar kiekn wat ze nog meer kunt verstiern. Doar kuij as molder better niks met van doen hebbn .

Noe heij as molder een paar meugelikheden um dat soort gastn de baze te bliem. Met bastens vulle geduld en een dik stuk holt kuij prebeern umme dr gestampte muussies van te maakn.

Noe hew ok wa van die moezenknipn , de kunst doar van is daij op die knippe iets lakkeders legd dan wat al in de molle ligt. Woarumme zoij met gevare veur oen leam iets van de knippe pakn ,aij dartig centimeter vearderop rustig uut een zak pakt ,zonder stekkende koppiene.

Vrogger mog ie as molder de moezen iets te drinken an bieden,met al dat maal kriej eigenlik toch wa een dreuge bek. De stelling was toen vrettn was dr genog , noe nog wat te zoepen. En de moezen waren doar merakels met eens, ze zeupen zich te barsten.

De eerlikheid gebud mie te zeggn dat het wel een dat hut wel een koppig draankie was, met as ingredient cyancaly. Veurdeel doar an ze raakn dr moar niet an ewend de loekn gunnen gleiek dichte en as molder hoef ok niet meer te zuukn woar ze kapot egoane bunt ze laagn gewon bie hut schutteltie met het draankie.

Um dat draankie ok wel wurden gebruukt veur den lastige buurman of aander volk woer ie hut niet mee eens konnen worden , is het verboden en maij niet meer gebruukn. Met dat spul van noe ,muttn ze zich vief of zes kear zat vrettn met as gevolg ze bunt ziek zwak en misselijk veur dat de batterije endeluk leug is. En bie het an kaante maakn van de molle kom ie overal van die uutgetelde gasten tegen.

Moar wie hebt in de molle de boel noe mooi onder controle , en hebt de stelregel de molle is oons nus en dat loaten wie niet bevuilen .

1 Reactie

Laat een reactie achter

Uw reactie


Top