De sommer is ook an De balk weer achter de rugge.
Noe de luu terugge bunt van vakaansie ,giet de boel wieder zo as altied.
Wie as mulders bunt bliede dat de wind ok weer terugge is ,dr hef ruum 8 wekke nauwliks geen wind e wes.
Afgeloppen winter, vuurjoar en begin sommer hef de wind mooi deur e stoan, moar in de bouwvak is het umme slagen van gruizoam regenachtig met gemiddelde temperaturen noar dreug weer met hogere temperaturen met weinig wind.
As mulder leeve ie met de sezoenen , en de gevolgen doar van.
In Januari is de lest joaren water koalderig en kil deur dat het hoast niet echt wilt winteren.
De wind zat in 2016 van Januari tot Jullie kompleet vast in het zuudwesten, met het gevolg vulle water en hoge temperaturen veur de tied van het joar.
Een bulte luu hebt de afgelopen winter zo wat 4 moanden achter mekare met een drup an de neuze ehad,van verkoaldrigheid en aans krang in de hoed.
Zeluf hoal ik niet zo van koale ,duuster en natte boksen .
Een zuudwesten wind is en bettie en bolderigge wind umme met de molle te malen, de molle lup on regelmoatig ,zo blief ie zeilen an het veur leggen en wegnemmen .
As de wind dan ook nog eens breed is , wat afgelopen joar een bulte is veur gekomn , dan blief ie de molle moar op de wind zetten , een bettie noar het zuuden ,en weer trug noar west.
Aij Dan bie de zovulste buij denkt ,t zal dr wel goed umme goan ,vlug oe de molle dr biekant van deur met zon windbuij ,en stoa ie in de regen het zeil weg te trekn met de rugge nat en het water lup dan uut het zeil zo de mouwen in ,met het gevolg daij de klompen ook nog vol water kriegt.
As ie dan as een vezoppen katte weer op de maalzolder bunt umme de ravage doar weer een bettie de baas te worden , is het feest weer over ,en kuij weer noar buutn umme het natte zeil dr weer veur te leggen um dat de molle noe weer stille stied.
Noe is het wel oonzen hobby umme mulder te wean ,toch denk ie dan wel woer is het noe weer mis gegoan, daij zo loopt te marteln .
Moar aij in Meert geniet van het warme zunneke uut de wind ,denk ie kiek dat lek dr weer better op .
Ie hebt het nog niet edacht , dan stuf oe de hagel weer um de kop , en heij de klompen weer vol water stoan ,en denk ie toch jammer dat dat weer zo mot.
Giet de molle in de winter en het veurjoar met een hoeraatje dr van deur , en blief ie em krap an de baas , is het in de sommer net aans umme.
Met de sommerdag kuij mooi gestoadig de molle loaten malen op een sommers windje met de gedachten dat ie het vrachtje zoad dr vandage dr wel deur kriegt , holt de wind dr met op ,en stoa ie met een drup an de neuze oen klant te beln dat het nog niet alles kloar is en de rest een wekke later word.
As dan de harfst begunt , en oen neije oogst op zolder stied , heij toch weer schik dat de molle noa vulle wekken klojooen met soms moar 2 zakkies malen op iene dag ,date dut woer u veur ebouwd is , en dat mooi malen ,met een bettie producktie.
Moar dan begint het gelul weer dat het wil stormen , en stoa ie weer met touwen de boel vast te zetten , en hoppe ie dat s nachts de boel mooi stille blif stoan , en dat de volgende dag de kroam niet in drie stukkn an de grond ligt.
Voor de luu die zich thuus groewlik verveeld ,hek een tip ( word mulder) want met een molle en het weer ,doar blief ie met an de gang.
Doe dan geliek de vrouw buutn de deure , en nem een hond.
Veurdeel doar van is , de vrouw wurd steeds helligger hoe later daij thuus komt,moar de hond wurd steeds bliejer aij s nachts late thuus komt van cafe of molle.
Bert de Ruiter 21-11-2016
Migliorare circolazione pene
Hut viefde stukkie : Molen de STAR